Аргентина синоќа го одигра првиот натпревар како светски првак по СП во Катар. „Гаучосите“ победија со 2-0 во пријателскиот натпревар против Панама на преполниот „Ел Монументал“.
По убиствениот притисок, домашните поведоа во 78. минута. По еден слободен удар, Лионел Меси ја упати топка кон голот, ја погоди пречката, топката се одби до најприсебниот Тиаго Алмада кој ја смести во празната мрежа.
Капитенот на Аргентина, Лионел Меси, со гол од слободен удар потоа ја доведе Аргентина и до водство од 2:0 што беше негов јубилеен 800-ти гол во кариерата.