Арсенал се обидува да привлече напаѓач пред затворањето на преодниот рок, но тоа се покажува како тешка задача. Лондончани бараат замена за Пјер-Емерик Обамејанг, но во исто време се обидуваат да се разделат со него – нешто што исто така е нејасно дали ќе можат да го сторат до понеделник.
Нивната главна цел беше напаѓачот на Фиорентина, Душан Влаховиќ, но тој одбра да се пресели во Јувентус. По овој неуспех, Арсенал сега мора да се насочи кон некој друг напаѓач. Обидот на Арсенал да го ангажира играчот на Реал Сосиедад, Александар Исак, исто така наиде на проблем, бидејќи Шпанците им рекоа дека мора да платат клаузула од 90 милиони евра за да го добијат напаѓачот. Нивните последни надежи се во напаѓачот на Лил, Џонатан Дејвид.
📰 Arsenal will have to pay Alexander Isak's €90m release clause if they want to sign him now. Lille want to wait until the summer to sell Jonathan David. Dominic Calvert-Lewin & Ollie Watkins have been discussed.
Short-term options include a loan for Luka Jovic. [ESPN] #AFC pic.twitter.com/OpZCEEy67C— Gooner 79 (@Arsenalgooner79) January 28, 2022
Сепак, францускиот клуб не сака сега да се раздели со него, туку да почека до летото. Други опции за Арсенал се Доминик Калверт-Левин од Евертон, напаѓачот на Наполи, Виктор Осимен и Оли Воткинс од Астон Вила. Ниту еден клуб не би се разделил со главен играч во зима без да најде замена, а времето истекува.