Арсенал ја договорил цената со Вест Хем за играчот од средниот ред Деклан Рајс, објави „The Guardian“.
Според изворот, вкупната сума ќе биде повеќе од 115 милиони евра, земајќи ги предвид бонусите. „Топчиите“ се уверени дека нивната понуда за Рајс ќе биде најпрофитабилна, иако знаат дека за играчот се заинтересирани и други врвни клубови, меѓу кои Баерн и Манчестер Јунајтед.
Самиот Деклан Рајс сака да остане во Англија, што ги зголемува шансите на Арсенал да потпише со играчот. Во сезоната 2022/2023, Рајс забележа 50 настапи за Вест Хем во сите натпреварувања, во кои постигна пет гола и три асистенции. Играчот од средниот ред беше прогласен за најдобар играч во Конференциската лига.
Договорот на играчот со Вест Хем е со важност до крајот на јуни 2024 година. Проценетата цена на овој фудбалер, според интернет порталот Трансфермаркт, е 80 милиони евра.
Вест Хем претходно соопшти дека Рајс летово ќе го напушти клубот.