Арсенал има намера да го продолжи договорот со играчот од средниот ред Мохамед Елнени. Актуелниот договор на Египќанецот истекува на лето, но има опција за негово автоматско продолжување на уште една сезона и „топчиите“ имаат намера да го активираат, откриваат медиумите од Островот.
Иако не го користи многу често, Микел Артета го сака Елнени во својот тим како алтернатива на Томас Парти и Гранит Џака. Оваа сезона 30-годишниот фудбалер одигра 8 натпревари во сите натпреварувања и постигна 1 гол.
Тој неодамна заработи сериозна повреда на коленото која може да го натера да паузира до крајот на сезоната. Се вели дека предметната повреда не ги променила намерите на челниците на Арсенал и Артета, кои сепак сакаат да го задржат Елнени уште една сезона. Елнени е играчот со најдолг стаж во сегашниот состав на „топчиите“, откако потпиша од Базел во 2016 година и досега има 155 настапи за клубот, постигнувајќи 6 гола и 10 асистенции.