Дефанзивецот на Арсенал, Давид Луис може да остане во тимот барем уште една сезона.
Според „Индипендент“, „топџиите“ имаат намера да го обноват договорот со 33-годишниот фудбалер. Менаџерот на тимот, Микел Артета го цени влијанието на Бразилецот врз младите играчи.
Луис дојде во Арсенал летото 2019 година од Челзи, а пред тоа играше за ПСЖ и Бенфика. Минатото лето, клубот го обнови неговиот договор со него до 2021 година. Оваа сезона дефанзивецот учествуваше на 14 натпревари од англиската Премиер лига, доби 1 жолт и 1 црвен картон. Арсенал со вчерашната победа над Лидс Јунајтед има 34 бода по 24 кола и се наоѓа на 10-то место во Премиер лигата.

