Арсенал го освои првиот трофеј оваа сезона во Англија, откако триумфираше на „Комјунити Шилд“. Лондончани победија по подобро изведување на пенали.
Натпреварот заврши 1:1 во регуларното време. Освојувачот на ФА Купот минатата сезона Арсенал го освои „Комјунити Шилд“ по 16-ти пат во историјата. Додека сите навивачи на „топџиите“ чекаат Пјер-Емерик Обамејанг да потпише нов договор со клубот, тој уште еднаш стана херој за тимот. Напаѓач од Габон го отвори резултатот во 12-та минута, а потоа го реализираше и последниот пенал, со кој ја обезбеди победа на неговиот тим предводен од Микел Артета.
Арсенал во регуларниот дел од натпреварот водеше се до самиот финиш кога Минамино успеа да го израмни резултатот и да го однесе до изведување на пенали.

