Раководството на Арсенал ќе му понуди нов договор на фудбалерот од средниот ред, Арон Рамзи. Шефовите на „Емирати“ се надеваат дека ќе успеат да го убедат 27-годишниот играч да го продолжи договорот и така да го одбијат интересот кој за него владее кај неколку други тимови.
Последната година од тековниот договор на Рамзи со „топчиите“ почна да истекува, а тоа почна да привлекува огромен број на клубови кои сакаат да го ангажираат од следната сезона. Засега во листата на потенцијални кандидати за неговиот потпис се Манчестер Јунајтед , Барселона, Челзи и Лацио, но и неколку кинески клубови, кои исто така, внимателно ја следат ситуацијата.
Токму поради оваа причина во Арсенал брзаат да го обезбедат играчот со нов договор. Клубот успеа да го задржи Месут Озил, нудејќи му плата од 350.000 фунти неделно, а сега и Рамзи ќе добие такво зголемување кое може да биде и мал проблем за буџетот на лондончани. Велшанецот, наводно, бара договор со плата од 250.000 фунти неделно, а ова ги става во неповолна ситуација сопствениците на клубот.