Менаџерот на Арсенал, Микел Артета изрази задоволство од одлуката на Пјер-Емерик Обамејанг да потпише нов договор со „топџиите“.
„Обамејанг остана поради нашиот неверојатен тим. Мислам дека тоа е доволна причина. Имаме одлични луѓе кои работат тука, и тој ја чувствува љубовта од навивачите“, рече Артета.
„Јас го сторив своето, објаснувајќи му што се обидуваме да сториме, му објаснив што градевме. Тоа е тоа“, рече Артета.
Запрашан за интересот на Барселона и Интер, тој одговори:
„Нашиот клуб не е помал од наведените. Фудбалскиот клуб е најважната работа. Важно е да бидете сигурни дека играчите веруваат во проектот“, заврши менаџерот на Арсенал кој утре на домашен терен игра со екипата на Вест Хем.

