Менаџерот на Арсенал, Микел Артета беше задоволен од настапот на неговиот тим по нерешениот резултат на домашен терен против Манчестер Јунајтед и рече дека тимот се движи во вистинската насока.
Топџиите не можеа да сметаат на некои од играчите со најдобри перформанси – Пјер-Емерик Обамејанг, Букајо Сака и Кирон Тирни, но тие сепак настапија на ниво и со малку повеќе среќа можеа да постигнат гол. Александар Лаказет, Емил Смит Роус и Николас Пепе промашија добри шанси во второто полувреме.
„Мислам дека овој резултат е реален. Тоа беше битка помеѓу два тима кои сакаа да победат, тие имаа неколку шанси во првото полувреме, ние ги имавме во второто полувреме, но моравме да постигнеме гол во тие моменти за да направиме предност. Можеби и двајцата менаџери мислат – требаше да победиме, но тоа беше добар натпревар. Бевме без тројца наши најдобри играчи, затоа сметам дека ова е напредок. Тимот покажа дека сака да победи. Секој од играчите даде се од себе и ние настапивме на високо ниво“ изјави Артета.

