Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Атлетико го пречекува шампионот Ливерпул на „Ванда Метрополитано“
    Фудбал

    Атлетико го пречекува шампионот Ливерпул на „Ванда Метрополитано“

    risteBy riste18/02/2020No Comments3 Mins Read
    Facebook Twitter Pinterest LinkedIn Tumblr Email

    Атлетико Мадрид на свој терен вечерва го пречекува актуелниот освојувач на Лигата на шампионите, Ливерпул. Англискиот тим ја игра една од најдобрите сезони во својата историја, а се поизгледно е дека ќе дојде до долго очекуваниот трофеј во Премиер лигата. Минатогодишниот освојувач на Лигата на шампионите и оваа година е меѓу фаворитите за европската круна.

    Сепак, прва пречка на патот кон Истанбул, каде што го одиграа култното финале кога против Милан анулираа три гола негатива, па на пенали го освоија трофејот, е Атлетико Мадрид.

    Атлетико тешко победува од почетокот на годинава, а главните причини се многубројните пропусти на напаѓачите и повредите на главните фигури во тимот. Добрата вест е дека Диего Коста и Алваро Мората веќе се подготвени за настап и ќе бидат на располагање на Симеоне. Мората најверојатно ќе го предводи нападот заедно со Анхел Кореа, при што во второто полувреме би требало да се појави Диего Коста.

    Сепак, најскапото засилување на Атлетико , Жоао Феликс го пропушта натпреварот, а истото важи и за десниот бек Киерон Трипиер. Се очекува, Саул да се врати на левата страна во одбраната, поради неговото поголемо искуство од Ренан Лоди. Десно наместо Трипиер, ќе дејствува Сантијаго Ариас, а во центарот на одбраната ќе играат Стефан Савиќ и Фелипе. Четворицата во средниот ред на домаќините ќе бидат Коке, Томас Партеј, Маркос Јоренте и Витоло.

    Во екипата на Ливерпул , неизвесни за настап се Џејмс Милнер и Џердан Шакири, но и двајцата не меѓу стартерите на Клоп. Германецот повторно ќе може да се потпре на ѕвезденото трио во нападот – Роберто Фирмино, Мохамед Салах и Садио Мане. Џордан Хендерсон и Жоржињо Вајналдум ќе стартуваат во средниот ред, меѓу Фабињо и Алекс Окслејд-Чемберлен. Одбраната повторно ќе ја предводи Вирџил ван Дајк, кој ќе биде во партнерство со Џо Гомез, со Трент Александар-Арнолд и Ендру Робертсон на двете бековски позиции.

    Атлетико и Ливерпул имаат 4 меѓусебни натпревари во Евро куповите. Билансот е една победа на домашен терен за двата тима и две реми. Тие последен пат се сретнаа во полуфиналето на Лигата на Европа во 2010 година и Шпанците по вкупниот резултат 2:2 се пласираа понатаму поради гол повеќе постигнат на гостински терен.

    Можни состави:
    Атлетико М.(4-4-2): Облак, С. Ариас, Фелипе, Савиќ, Саул; Коке, Томас, М. Јоренте, Витоло; А.Мората, Кореа

    Ливерпул (4-3-3): Алисон, Александар-Арнолд, Ван Дајк, Гомез, Робертсон, Окслејд-Чемберлен, Хендерсон, Вајналдум, Салах, Фирмино, Мане.

    Натпреварот на „Ванда Метрополитано“ вечерва започнува во 21 часот, а ќе го суди Марчиниак од Полска.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.