Новиот шампион на Шпанија, Атлетико Мадрид ќе стори се што е можно за да го привлече напаѓачот на Јувентус, Пауло Дибала, тврдат медиумите во Шпанија. Од „Ванда Метрополитано“ започнаа голема офанзива за реализација на трансферот, подготвувајќи неколку опции за целата зделката.
Атлетико Мадрид најмногуу би сакал размена на играчи, што се очекува со оглед на тешката финансиска состојба во која се наоѓаат повеќето клубови. Затоа, првата опција е Атлеико Мадрид да му го понуди на Јувентус Анхел Кореа. 26-годишниот Аргентинец нема статус на стартер во клубот, но од друга страна тој имаше своја улога во освојувањето на титулата оваа сезона, па клубот е доста размислува дали се подготвени да се разделат од него.
Втората опција е размена на Дибала со Алваро Мората. Шпанскиот напаѓач во моментов е на позајмица во Јувентус, кој може да биде продолжена за уште една година за 10 милиони евра. Исто така, постои можност луѓето од Торино да ги купат неговите права во целост. Всушност, Атлетико претпочита зделката за Мората да биде одвоена од онаа за Дибала, па тешко дека ќе се постигне оваа опција.
Во исто време, Атлетико е заинтересиран и за играчот за врска на Јувентус, Родриго Бентанкур, кој исто така може да биде вклучен во преговорите меѓу двата клуба. Уругваецот се гледа како замена на Лукас Тореира. Разговорите меѓу двете страни допрва следуваат. Сепак, јасно е дека Атлетико Мадрид ќе ги испроба сите различни опции за да ги привлече овие играчи. Двата клуба се во релативно добри односи, па може да најдат заеднички јазик и да постигнат договор.

