Фудбалерите на Атлетико Мадрид и на Олимпик Марсеј ќе играат на 16 мај на стадионот во Лион за победничкиот пехар во Лигата на Европа.
Шпанците во реваншот од полуфиналето на домашен терен го совладаа Арсенал (Англија) со 1 спрема 0 со погодокот на Диего Коста и со вкупни 2-1 си обезбедија виза за финалето во Франција. На истекот на судиското продолжение во првиот дел, напаѓачот на домаќините успеа да и побегне да одбраната на противникот и со прецизен од 10-на метри да го совлада Оспина.
Во вториот меч во Австрија, Салзбург славеше пирова победа во продолженијата против Олимпик Марсеј со 2 спрема 1. Домаќинот во регуларниот дел ја анулираше негативата од првиот натпревар со головите на Хајдара во 53 минута и автоголот на Сар во 65-та, но, во продолжението во 116 минута Роландо погоди за тимот од „Велодром“ и го испрати во завршниот меч за победничкиот пехар.