Австралија која освои само еден бод во досегашните два меча на Мундијалот, денеска ја има последната шанса за пласман во следната фаза. Избраниците на Берт ван Марвијк се изборија за реми против Данска и денес ќе се обидат со победа над Перу да ги задржат шансите за осминафинале, но само под услов, Данците да бидат поразени од Франција.
Перу кој веќе ги загуби шансите за следната фаза, денеска ќе се обиде да дојде макар до бод и со стил да го заврши ова СП. „Кенгурите“ најверојатно мечот ќе го почнат само со еден напаѓач, Томи Јуриќ, кој ќе го земе местото на повредениот Ендрју Нубут.