Македонската фудбалска репрезентација е поразена на гостувањето проти Австрија со 2:1, во натпревар кој го започнавме лошо, а го завршивме онака како што требаше да играме во поголем дел од натпреварот.
Селекцијата на Австрија дојде до водство со голот на Алаба во 7.минута откако доби топка во празно и се извлече од офсајд стапица, по што го помина голманот Димитриевски и донесе водство на Австрија од 1:0.
На самиот старт на натпреварот дополнителен проблем за Македонија беше повредата на Александар Трајковски кој мораше да ја напушти играта и на него влезе уште еден дебитант, Влатко Стојановски. До крајот на првиот дел Австрија имаше уште неколку шанси, но Столе Димитриевски со своите одбрани не и дозволи на домашната селекција да ја зголеми предноста.
Во вториот дел само што почнаа возбудувањата, Австрија веќе имаше водство од 2:0 со голот на Лаинер во 48.минута. Потоа успеавме да воспоставиме рамнотежа и да не им дозволиме на фудбалерите на Австрија да дојдат до уште поубедливо водство, за во еден период од неколку минути Влатко Стојановски имаше две одлични шанси, најнапред со нога шутираше покрај голот, а потоа со глава да упати добар удар но домашниот голман со крајни напори ја исфрли топката во корнер.
Сепак во судиското надополнување, по слободниот удар кој го изведе Барди, Влатко Стојановски успеа со глава да ја смести топката во голот на Австрија и да намали на 2:1.
Нашата репрезентација утре се враќа во Скопје каде ќе се подготвува за послениот натпревар против Израел кој го игра во вторник на 19.Ноември на националната арена „Тодор Проески“ од 20 45 часот.