Јулијан Нагелсман е официјално следниот тренер на Баерн (Минхен). Баварците ја објавија веста на својата клупска веб-страница пред неколку минути, а и сегашниот тим на 33-годишниот тренер – РБ Лајпциг исто така официјално потврди дека од следната сезона Нагелсман ќе го преземе гигантот од Минхен.
Нагелсман официјално ќе ја преземе својата нова функција на 1 јули 2021 година, соопшти Баерн Минхен. Младиот тренер потпиша 5-годишен договор со актуелниот европскиот клупски шампион за 2020 година. Договорот истекува на 30 јуни 2026 година.
Julian Nagelsmann to join FC Bayern as head coach. Hansi Flick's contract will be terminated upon request. pic.twitter.com/tJBpXSiozu
— FC Bayern English (@FCBayernEN) April 27, 2021
Во исто време, Баерн официјално ја објави разделбата со сегашниот тренер на тимот Ханзи Флик, кој по завршувањето на сезоната ќе ја напушти „Алијанц Арена“. Клубот ја почитува желбата на Флик да го раскине неговиот договор со Баварците на 30 јуни 2021 година – две години порано од претходно договорениот датум на истекување на истиот.

