Напаѓачот Карлос Бака кој е во сопственост на италијанскиот Милан сака да продолжи да игра во Шпанија.
Колумбиецот е во сопственост на „Росонерите“, но во последната сезона настапуваше со позајмица во Виљареал. Тој постигна 15 гола за „Жолтата подморница“, но клубот одлучи да не ја активира клаузулата за откуп од 15,5 милиони евра. Шпанците би сакале да го задржат Бака со нов договор за позајмица. Меѓутоа, Милан врши притисок за целосно откупување на договорот на Бака.
„Се чувствувам добро и би сакал да останам во Шпанија. Чекам да видам што ќе се случи. Имам договор со Милан и ќе го почитувам, но прво сакам да разговарам со раководството за ситуацијата во која се наоѓам и за нивните идеи за мене. Ако тие проценат, ќе останам во Милано. Ќе се вратам во клубот со надеж, желба и оптимизам да ги правам работите како што треба. Не знам што ќе се случи. Оставам сè во рацете на Господ. Должен сум да се јавам во екипата на Милан. Имам договор со Милан и ќе се вратам во клубот, а потоа ќе видиме што ќе се случи“ изјави Карлос Бака.