Барселона и холандски Ајакс постигнале прелиминарен договор за трансфер на десниот бек Сержињо Дест, информираа каталонските медиуми. Генералниот директор на Каталонците, Оскар Грау, успеал да ја заврши операцијата за трансфер на младиот фудбалер за кого Барселона ќе плати 20 милиони евра со бонуси кои изнесуваат 5 милиони евра. Сега треба да се завршат личните услови од договорот на Дест, пред Барселона и официјално да го потврди трансферот.
Клубовите исто така се договориле исплатата од 20 милиони евра да се изврши на две или три рати. Дест би требало да потпише петгодишен договор со Барселона.

