Фудбалерите на Барселона, Дест и Жерар Пике се повредија во реваншот од 1/8-финалето со Галатасарај во Лигата на Европа и најверојатно нема да бидат во тимот в недела за „Ел Класико“ пресметката со Реал (М).
Дест беше принуден да го напушти теренот откако почувствува болка во задниот дел на левата надколеница. Првите сензации во соблекувалната не се многу отпимистички, бидејќи отворено се зборува за повреда на бицепсот на бутот.
Ако се потврди степенот на повредата, тоа сугерира пауза од терените неколку недели. Повреда има и искусниот Жерар Пике. Дефанзивецот веќе неколку натпревари се мачи со повреда, што го оддалечи од максимален настап во последно време. И за него е неизвесно дали лекарите ќе го опорават за дуелот во недела.