Откако вчера Валенсија го најави ангажманот на Јаспер Силесен со специјално видео, каталонскиот клуб Барселона и официјално ја потврди продажбата на холандскиот голман.
„Барселона и Валенсија постигнаа согласност за условите за трансфер на Јаспер Силесен. Валенсија ќе плати 35 милиони евра. Барселона му се заблагодарува на Силесен за посветеноста и лојалноста, истовремено му посакува многу успеси во иднина”, напишаа од „Камп Ноу” на својот официјален сајт.
Good luck @JasperCillessen 🍀 pic.twitter.com/sRFMM1JPmt
— FC Barcelona (@FCBarcelona) June 26, 2019
Силесен пристигна во Барселона во 2016 година од Ајакс. Тогаш Барса плати 13 милиони евра. Холанѓанецот одигра вкупно 32 натпревари во кои прими 25 гола. Со Барселона освои 6 трофеи, две титули, два купа на Шпанија и два Суперкупа на Шпанија. По 1 јули Барселона ќе го пополни местото на Силесен со Нето, кој досега беше стартен голман на Валенсија.