Напаѓачот на Ливерпул, Садио Мане би можел да ја продолжи кариерата во Барселона. Шпанскиот тим е заинтересиран да потпише со напаѓач од висока класа во летниот преоден рок. Оваа информација ја пренесува „Мундо Депортиво“.
30-годишниот сенегалски фудбалер е во сферата на интерес на шпанскиот клуб. Садио Мане дојде во Ливерпул од Саутемптон во 2016 година.
Напаѓачот оваа сезона одигра 32 натпревари во Премиер лигата, постигна 14 гола и четири асистенции. Од 2012 година Мане е дел од репрезентацијата на Сенегал.