Барселона и Реал Мадрид би можеле да влезат во трансфер битка за напаѓачот на Манчестер Јунајтед, Единсон Кавани. Договорот на 34-годишниот Уругваец истекува на крајот на сезоната и тој станува слободен играч. Токму тоа го привлече вниманието на двата шпански гиганти, пишува „Ел Национал“.
Кавани минатото лето беше на чекор до разделба со „црвените ѓаволи“, а се зборуваше дека ќе замине во насока на Бока Јуниорс. Сепак, тој остана на „Олд Трафорд“. Сепак, доаѓањето на Кристијано Роналдо во клубот не го израдува Уругваецот, кој е свесен дека ќе добие помали шанси за настап на сметка на Португалецот. Затоа, тој може да ги разгледа можните понуди за трансфер во јануари.
Во последните денови се зборуваше за интерес на Реал Мадрид за Кавани, а сега Барселона е подготвена да се вклучи во борбата за напаѓачот. Се вели дека двата клуба ќе се обидат да го позајмат во јануари, а потоа да потпишат траен договор во текот на летото. Кавани минатата сезона на „Олд Трафорд“ постигна 17 голови во сите натпреварувања. Сепак, тој исто така беше измачуван од повреда до неодамна и сеуште не успеа да постигне гол за време на тековната сезона.