Младите фудбалери на Барселона ќе мора да се придржуваат до низа нови правила кои се воведени од клубот, објави весникот „АС“.
Според изворот, на играчите ќе им биде забрането да користат мобилни телефони за време на тренинг, на терен, во соблекувална и за време на натпревари. Децата ќе мора да ги предадат своите телефони на претставникот на клубот, кој ќе им бидат вратени откако ќе ја напуштат соблекувалната.
Исто така, на фудбалерите им било забрането да носат необични фризури или да ја бојадисуваат косата во многу светли бои. Главната цел на сите овие нови правила е враќање на дисциплината и строгоста, кои според раководството на клубот се ослабени во последните години, што значително го наруши имиџот на клубот.