Шпанскиот гигант Барселона го загуби првиот натпревар во групната фаза на Лигата на шампионите, првпат по цели 24 години.
Избраниците на Роналд Куман на домашен терен загубија од Баерн Минхен со резултат 3:0 во средбата од 1.коло од групната фаза на најпрестижното европско натпреварување. Последен пат тоа се случи во сезоната 1997/1998 година, кога Каталонците загубија со 2:3 од Њукасл Јунајтед на гостински терен.
По средбата со Баерн, екипата на Барселона е на последното место во групата Е, без освоен бод. Во вториот натпревар од оваа група Динамо Киев одигра нерешено со Бенфика (0:0).
Во следниот натпревар од групната фаза, Барселона во Португалија ќе игра против Бенфика. Натпреварот ќе се одигра на 29 септември.