Барселона е заинтересирана за дефанзивецот на Јувентус Жоао Кансело. Кариерата на Португалецот оди во нагорна линија, откако тој беше привлечен од „бјанконерите” во текот на летото за 40 милиони евра од Валенсија, а пред тоа играше со позајмица во Интер каде исто така остави одличен впечаток со настапите.
Од почетокот на сезоната тој продолжува со добрите игри и со екипата од Торино и тоа не помина незабележано од каталонците, кој гледаат во него нов Дани Алвеш.
Скаутите на Барселона го следеле настапот на Кансело во живо на натпреварот од Серија „А” против Џенова. Ако каталонците одлучат да испратат понуда за правата на Португалецот, тие треба да се подготвени да извадат доста сериозна сума.
Од Јувентус немаат намера да се разделат со талентираниот десен дефанзивец и може да побараат и сума од 100 милиони евра за неговите права.