По 19 одиграни натпревари, Базел се наоѓа на разочарувачкото седмо место во швајцарската лига, а тоа беше и причината отказ да добие тренерот Алекс Фреј.
Швајцарскиот клуб утрово потврди дека 43-годишниот стратег добива отказ. Отказот доаѓа по четири натпревари без победа во домашното првенство.
Во моментов Базел е на само три бода над зоната за испаѓање, поради што клубот реагираше со смена на тренерот. Фреј го презеде тренерското столче во Базел на стартот на сезоната. Хајко Фогел привремено ќе седне на кормилото на тимот, а од Базел најавија дека бараат постојано тренерско решение.