Моментот за трансфер во Тотенхем е совршено, изјави новиот напаѓач на тимот Герет Бејл, кој се врати назад во Лондон по 7-годишно отсуство. Тој ќе игра за Тотенхем како позајмен играч од Реал Мадрид до крајот на сезоната.
„Овој клуб е посебен за мене. Отсекогаш знаев дека ќе се вратам еден ден, а сега тоа е реалност. Јас сум во вистинско време во мојата кариера за овој трансфер и мислам дека совршено ќе одговарам на Тотенхем. Мотивиран сум, сакам да да настапам на ниво и едвај чекам да играм повторно“, изјави Бејл, кој има 56 гола на 203 натпревари за Тотенхем од неговиот трансфер од Саутемптон во 2007 година.
Според самиот клуб, Бејл, кој се повреди на паузата за репрезентациите, ќе биде подготвен да игра во октомври.
„Се надевам дека наскоро ќе дојдам во форма. Сакам да му помогнам на тимот да освои трофеј. Исто така, во Реал Мадрид докажав дека имам победнички менталитет. Знам како да играм во финале, како да се справам ментално со напнатоста и прекумерните очекувања. Ова искуство е непроценливо и можам да им го пренесам на момците во тимот. Тие самите мора да веруваат дека можеме да освоиме трофеи“, додаде Бејл.
„Клубот растеше и растеше во годините кога јас бев далеку. Тој сега е во одлична форма и сакам да му помогнам да го направи следниот чекор – трофеј. Тоа е единствената наша желба и се надевам дека нашиот сон ќе се оствари” заврши Бејл во својата изјава.

