Селекцијата на Белгија се пласираше во ½ финалето на СП во Русија откако беше подобра од Бразил со 2:1 (2:0).
Белгија дојде до предност со автоголот на Фернандињо во 13.минута од мечот, а откако Бразил тргна да го израмни резултатот следуваше уште еден шок за навивачите на „јужно американците“, прекрасен удар на кевин де Бруин во 31.минута за зголемување на предноста на 2:0.
Во вториот дел од мечот целосна доминација на Бразил, но Белгија одлично се бранеше се до 76.минута кога Ренато Аугусто кој само што влезе во игра со прекрасен удар со глава го совлада Куртуа кој одлично бранеше на оваа средба и беше најзаслужен што Белгија се пласираше во ½ финалето.
Белгија и Франција ќе играат во меѓусебна пресметка на 10.јули на стадионот во Ст. Петерсбург од 20.00 часот.