Селекцијата на Белгија ја совлада репрезентацијата на Јапонија и тоа со одличен пресврт и дојде до пласман во 1/4 финалето.
Белгија и Јапонија одиграа еден навистина убав натпревар и пред се возбудлив, а вистинските возбудувања дојдоа во вториот дел откако најнапред одиграа прво полувреме без голови.
На стартот на вториот дел Јапонија ја шокираше Белгија со два брзи гола во 48-та и 52-та минута со головите на Харагучи и Инуи, но Белгија се врати со головите на Фертонген и Флаини во 69-та и 74-та минута.
Во моментите кога се очекуваше крајот од натпреварот и да с еиграат продолженија, Белгија направи одлична контра и преку Насер Чадли успеа да постигне гол за водство и победа од 3:2.
Со оваа победа Белгија се пласираше во 1/4 финалето каде ќе игра против селекцијата на Бразил.