Репрезентациите на Белорусија и Украина ќе бидат одвоени при ждрепката за квалификациите за Европското фудбалско првенство во 2024 година. Ова го соопшти прес-службата на УЕФА.
Извршниот комитет на УЕФА вчера на состанок расправаше за постапката за ждрепката за квалификациите за ЕП 2024.
На тимот на Белорусија му беше дозволено да биде дел од ждрепката, за разлика од рускиот тим, кој беше отстранет како дел од санкциите поради воената инвазија на Украина.
Ќе бидат извлечени и репрезентациите на Ерменија и Азербејџан, Гибралтар и Шпанија, како и Косово, Србија и Босна и Херцеговина.
Ждрепката за групната фаза од квалификациите ќе се одржи во Франкфурт, Германија на 9 октомври.