Данскиот напаѓач Никлас Бендтнер нема да игра на Светското првенство поради повреда. Тој доби повреда за време на натпреварот со неговиот клуб Розенборг во норвешкото првенство.
Тоа се случи пред една недела, но потоа фудбалерот се приклучи на својот национален тим. Сепак, лекарите од репрезентацијата на Данска мислат дека нема да може да се опорави на време за Светското првенство.
30-годишниот фудбалер, познат по неговио прекар „Лорд“, тренираше цела недела одделно и не играше на мечот со Шведска во контролниот натпревар. Тој се обиде да направи фитнес сесија за да провери дали може да издржи оптоварување.По вчерашниот тренинг, селекторот на Данска Харејде објави дека Бендтнер и дефанзивецот Андреас Биеланд се ослободени од тимот. Данска е во групата Ц на Светското првенство заедно со Перу, Австралија и Франција.
„Ние не криеме дека имавме надеж дека двајцата ќе се опорават навреме за Светското првенство, а особено за нашата прва средба со Перу. Овој натпревар ќе биде многу тежок и во исто време исклучително важен. Сакаме да влеземе во првенството со 23-ца фудбалери, кои се подготвени 100%”, рече тренерот Харејде.