Фудбалерот од средниот ред на Манчестер Сити, Бернардо Силва, призна дека има намера да ја продолжи кариерата во друг тим во наредните сезони.
„Во јуни ќе видиме која опција ќе биде подобра. Моментално мојот фокус е на Манчестер Сити. Мојот договор ќе заврши во моментот кога ќе наполнам 31 година. Нема да кријам дека мојата цел во наредните години веројатно ќе биде да се преселам во друга екипа“, изјави Бернардо Силва за „АС“.
Бернардо Силва му се приклучи на Манчестер Сити во летото 2017 година. На 24 натпревари за тимот оваа сезона има два гола и пет асистенции. Сите се направени во рамките на шампионатот на Англија. Договорот меѓу страните е со важност до 2025 година.