Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»Бизнис заедницата трча: Business Run на 4 јуни
    Домашен микс

    Бизнис заедницата трча: Business Run на 4 јуни

    sasoBy saso22/05/2026No Comments3 Mins Read
    Facebook Twitter Pinterest LinkedIn Tumblr Email

    По минатогодишниот огромен успех и одличната атмосфера, Скопје се подготвува за второто издание на Croatia Osiguruvanje Business Run 5K, еден од најмасовните корпоративни спортски настани во земјата. Трката ќе се одржи на 4 јуни (четврток), со почеток од 18:00 часот, а стартната позиција повторно ќе биде на кејот на реката Вардар, пред болницата Acibadem Sistina и Premium Sport Center.

    Овој уникатен тим-билдинг настан под отворено небо нуди совршена можност за зајакнување на тимскиот дух, дружење надвор од канцеларијата и промоција на здрави животни навики кај вработените. Пријавувањето е веќе активно и се одвива преку официјалната веб-страница www.prvdovrv.mk/business5k. Рокот за пријавување е 27 мај 2026 година. Бројот на учесници е ограничен.

    На премиерното издание минатата година, овој настан собра повеќе од 45 компании од најразлични индустрии, вклучувајќи ги секторите за финансии, ИТ, телекомуникации, фармација, логистика, производство, како и јавни институции, дипломатски мисии и невладини организации. Во силна конкуренција, титулата за најбрз тим ја однесе Халкбанк, пред Комерцијална банка на второто и Шпаркасе банка на третото место. Трката и оваа година е дел од престижната регионална лига Adria Corporate Run League, што значи дека најдобриот македонски тим ќе добие шанса да ја претставува нашата земја на големото регионално финале во друштво на најдобрите компании од Србија, Црна Гора, Босна и Херцеговина и Хрватска.

    Програмата на 4 јуни ќе започне во 18:00 часот со одлична музика предводена од диџеј и водител, по што ќе следува подигнувањето на стартните пакети кое ќе трае до 18:30 часот. Веднаш потоа, во 18:40 часот, фитнес инструктор од Premium Sport Center ќе го поведе организираното загревање за активирање на мускулите и енергијата кај учесниците. Официјалниот старт на тимскиот предизвик на 5 километри е закажан за 19:00 часот. По завршувањето на трката, од 19:30 часот започнува големата after-run забава каде сите присутни ќе уживаат во вкусна храна, пиво и безалкохолни пијалоци, проследени со енергичен настап во живо на музички бенд. Вечерта ќе заокружи со свеченото прогласување на победниците во 21:00 часот и возбудливата лотарија со изненадувања и подароци која ќе започне во 21:30 часот.

    Право на учество на Croatia Osiguruvanje Business Run 5K имаат тимови составени од вработени во компании, институции, организации, здруженија и дипломатски претставништва. Секој тим мора да брои најмалку три члена, при што е задолжително барем едно лице да биде од спротивниот пол, со оглед на тоа што рангирањето се врши според вкупното време на тројцата најбрзи членови во тимот.

    Организаторите ги повикуваат сите деловни субјекти да ги мотивираат своите вработени и навремено да ги пријават своите тимови за да бидат дел од ова незаборавно спортско и деловно искуство. Настанот го организира Здружението за спорт и рекреација „Прв до врв“ од Скопје, со поддршка на Croatia Осигурување и Acibadem Sistina.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.