Фудбалската федерација на Македонија преку Mk Tickets, официјалниот партнер за продажба на билети, започна со продажба на билети за натпреварите на македонската А репрезентација против Финска и Азербејџан кои ќе се одиграат на Националната арена „Тодор Проески“ во Скопје.
Влезниците се продаваат по цена од 150 денари за северната трибина,150 денари за јужна трибина (блокови 1, 2, 5 и 6) и 200 денари за централните блокови 3. и 4. од јужната трибина на Националната арена.
Продажбата на билети за претстојните натпревари ќе се организира исклучиво со физичко присуство на купувачите. Електронска (on-line) продажба на билети нема да има поради технички причини (нефункционалност на читачите за билети на Националната арена).
МАКЕДОНИЈА – ФИНСКА (Национална арена „Тодор Проески“, 17. ноември, 18:00 часот)
МАКЕДОНИЈА – АЗЕРБЕЈЏАН (Национална арена „Тодор Проески“, 20. ноември, 14:00 часот)