Откако заврши со официјалното претставување на прес-конференцијата, Бојан Миовски за првпат позираше во дресот на неговиот нов клуб, шпанската Џирона.
Управата на клубот го најави како големо засилување и од него очекува одличен голгетерски учинок во иднина, а и самиот фудбалер не го криеше задоволство од овој трансфер. 25-годишниот македонски интернационалец и репрезентативец настапуваше во шкотскиот Абердин, каде одигра две феноменални сезони, па сега се фокусира на првата авантура во шпанската Ла Лига.

Секако дека играњето во една од ТОП-5 лигите во Европа за Бојан Миовски е нов предизвик, а и навивачите на Џирона се надеваат дека клубот го направи вистинскиот избор во нападот со неговиот ангажман.
Џирона на стартот од сезоната одигра нерешено на гостувањето кај Бетис, а дебитантскиот натпревар за Миовски би можел да биде веќе следниот викенд кога Џирона му гостува на Атлетико Мадрид.

