Леонардо Бонучи се врати во Јувентус, ова може да се каже и официјално откако денес ги помина лекасрките прегледи во неговата поранешна екипа. Бонучи беше дел од екипата на Јувентус седум сезони, а минатат година се реши да замине во Милан каде играше една година. Сепак сега беше дел од договорот за размена со Матија Калдара и за трансферот на Игуаин во Милан.
Тренерот на Јувентус, Масимилијано Алегри се заблагодари од срце на Гонзало Игуаин, а исто така изрази жалење што тимот се раздели со Матија Калдара, но е задоволен од враќањето на Леонардо Бонучи. Како што е познато, Аргентинецот е испратен на позајмица во Милан, кој треба да го откупи по една година, а двајцата дефанзивци беа разменети.
„Леонардо се враќа по една година, тој е многу важен фудбалер. Матија Калдара е помлад, мислам дека заедно со Алесио Ромањоли и Даниеле Ругани се тројцата најдобри млади дефанзивци во Италија. Жал ми е, но трансфер периодот е таков, моравме да се разделиме. Гонзало Игуаин ? Му благодарам од срце за овие две години, во кои ни помогна многу. Милан привлече голем напаѓач”, изјави Алегри, кој ја започнува петтата сезона на чело на „бјанконерите “.
Стратегот направи нешто невидено во Италија, во четири сезони со екипата успева да ја освојува двојната круна во Италија, титулата и купот.