Штипскиот прволигаш Брегалница објави ново засилување во своите редови за следната сезона во Првата македонска фудбалска лига.
Се работи за Роналдо Ромарио Вебстер, крилен фудбалер кој потекнува од Јамајка и има 22 години. Тој настапува по десната страна, а доаѓа директно од родната земја. Вебстер беше дел од Кавалиер, додека претходно играше за Рено во Јамајка. Играчот има и еден официјален настап за репрезентацијата на својата земја.
Вебстер е четврто интернационално засилување во Брегалница. Претходно дојдоа Дикенс од Панама, репрезентативецот на Јамајка, Колин Андерсон и Венегас од Костарика. Покрај нив Брегалница како новајлии ги има Стојчевски, Давков, Новаков и Јованов како летни засилувања.
Екипата предводена од тренерот Горан Здравков се наоѓа во Банско, каде што се подготвуваат за новата сезона.

