Штипска Брегалница за продолжението од сезоната во Првата македонска фудбалска лига ќе биде посилна за репрезентативецот на Уганда, Халид Лвалива.
26-годишниот Лвалива е најновото име во редовите на „сините“ кој ќе ја засили централната дефанзивна позиција. Лвалива доаѓа од најдобриот клуб во Уганда, шампионот Виперс, каде беше капитен изминативе пет сезони, а е незаменлив капитен и на репрезентацијата на Уганда за која од 2019 година има 22 официјални настапи.