Марсело Брозовиќ најави повлекување од хрватската репрезентација. 31-годишниот играч од средниот ред, кој е соиграч на Кристијано Роналдо во Ал-Насер, има 99 натпревари за својата земја.
„За ова проштално писмо ќе биде доволен еден број – 99. Толку пати сум имал чест да играм за репрезентацијата на Хрватска и со овој број ќе ја завршам кариерата во неа. Секогаш давав сто проценти од моите напори, енергија, сила и страст за Хрватска. Ова е стандардот што го поставија големите играчи пред мене и кон кој мора да се стремат сите што доаѓаат потоа. Знам колку ќе ми недостига се. Но, мора да продолжите понатаму, а оние што заминуваат остануваат најголеми фанови. Хрватска има и ќе има одличен тим на ветерани и талентирани млади кои се гладни за победи и желни да ја продолжат низата на големи успеси. Некои веројатно ќе речат дека само луд човек се откажува по 99 натпревари. Не, не и јас. Затоа што тоа е повеќе отколку што можев да побарам и подобро отколку што можев да сонувам“, напиша Брозовиќ на социјалните мрежи.

