Италијанската фудбалска репрезентација во Скопје доаѓа со нов директор. Вчера, Италијанската федерација го претстави легендарниот голман на „аѕурите“, Џанлуиџи Буфон, како нов директор на италијанската репрезентација, по доаѓањето и на новиот селектор Спалети. На промоцијата, Буфон истакна дека довербата која ја добил го прави среќен човек.
„Оваа задача ме стимулира и ме прави среќен човек бидејќи се враќам во средина што мислам дека ја познавам доста добро. Да се биде овде и да се обидам да продолжам онаму каде што застана Вијали е навистина голема обврска. Ќе се обидам да бидам тој што сум бил отсекогаш, ова ќе биде моја задача“, истакнал Буфон на промоцијата.
За назначувањето на Спалети на селекторското место кај „аѕурите“, Буфон вели: „Имам чувство дека Италија го најде вистинскиот човек во вистинско време“.