Поранешниот тренер на Барселона, Чави, би можел да го преземе Челзи доколку Енцо Мареска поднесе оставка , објави „Фудбал Инсајдер“.
Според изворот, раководството на лондонскиот клуб е незадоволно од однесувањето на главниот тренер на неодамнешните прес-конференции, каде што Мареска рече дека не сите го поддржуваат тимот.
Чави, кој има 45 години, го водеше каталонскиот клуб од 2021 до 2024 година. Откако беше отпуштен, шпанскиот менаџер е без ангажман. Во ноември оваа година, Чави одби понуда од раководството на Спартак Москва. По 16 кола, Челзи е на четвртото место на табелата во Премиер лигата.

