Лондонски Челзи во следниот летен преоден рок е подготвен да се раздели со 11 играчи. Според извор на авторитетниот магазин „Атлетик“, „сините“ ќе бидат отворени за продажба на Бен Чилвел, Мејсон Маунт, Матео Ковачиќ, Пјер-Емерик Обамејанг, Кристијан Пулишиќ, Рубен Лофтус-Чик, Сезар Аспиликуета, Конор Галагер, Хаким Зијех, Каи Хаверц и Рахим Стерлинг.
Треба да се напомене дека во претходните два преодни рока, Челзи потроши 611 милиони евра за купување на нови играчи. Ваквата активност на трансфер пазарот се должи на доаѓањето на Тод Боли за прв човек на клубот.