Челзи нема да го продаде играчот од средниот ред Н’Голо Канте во летниот преоден рок, објави новинарот Никола Скира на својот „Твитер“ профил.
Според неговиот извор, лондонскиот клуб сака да го задржи играчот, и покрај интересот од Реал Мадрид, Барселона, ПСЖ и Јувентус. Претходно беше објавено дека Канте исто така сака да остане во Челзи. Пред ова, странските медиуми тврдеа дека Челзи не е задоволен од формата што ја покажа Канте во последните месеци пред паузата. Лондончани ја разгледуваат можноста за размена на Французинот за играчот од средниот ред на Барселона, Филипе Кутињо, кој е на позајмица во Баерн Минхен.
Н’Голо Канте ги брани боите на Челзи уште од летото 2016 година. За Французинот, сините платија на Лестер Сити 35,8 милиони евра. Договорот на Канте со Челзи важи до 30 јуни 2023 година.
