Лондонски Челзи нема да може да го користи знакот на победниците на Светското клупско првенство на дресовите на играчите на натпреварите од англиската Премиер лига, објави „Сан“.
Правилата на лигата забрануваат промена на изгледот на дресовите во текот на сезоната. Сепак, Челзи ќе може да ја користи оваа ознака на натпреварите од ФА Купот и Лига Купот доколку добие дозвола од ФА. Исто така, знакот на победниците на Светското клупско првенство ќе стои на дресовите на Челзи во натпреварите од Лигата на шампионите.
Да потсетиме дека во финалето на Светското клупско првенство Челзи го победи бразилскиот Палмеирас (2:1) по продолженијата.