Отворањето на летниот преоден рок ќе се одложи од 9 јуни на 16 јуни, а клубовите ќе имаат право да извршат домашни трансфери една недела по 31 август, кога ќе се затвори пазарот за меѓународни трансфери. Таков предлог даде Челзи за време на вчерашниот состанок меѓу клубовите.
Идејата, која мора да биде одобрена од ФА, е самите англиски тимови да можат да прават трансфери едни со други во првата недела од септември. Ќе бидат дозволени трансфери помеѓу двата клуба од Премиер лигата и оние со англиски фудбалски тимови од пониско ниво.
За време на последниот летен преоден рок, кој траеше до октомври поради пандемијата, англиските клубови имаа и дополнителна недела за домашни трансфери, но тогаш екипите од Премиер лигата можеа да привлечат играчи само од пониските дивизии.

