Фудбалерот од средниот ред на Манчестер Сити Кевин Де Бруин се израмни со ексфудбалерот на Ливерпул и легенда на оваа екипа Стивен Жерард по бројот на асистенции во натпреварите од шампионатот на Англија.
Белгиецот вчера, на натпреварот од 8. коло од Премиер лигата со Вулверхемптон (3:0) успеа да дојде до ова достигнување.
31-годишниот играч од средниот ред им асистираше на соиграчите во два од трите гола. Де Бруин во кариерата има 92 асистенции во англиската Премиер лига, објави „Дејли Мејл“. Белгискиот репрезентативец по овој показател се израмни со легендата на Ливерпул, Стивен Жерард. За одбележување е тоа што на Кевин му беа потребни 287 натпревари за да го направи сето ова, а на поранешниот фудбалер на „црвените“ – 504 натпревари.
Лидер по бројот на асистенции во историјата на првенствата на Англија е поранешниот играч од средниот ред на Манчестер Јунајтед, Рајан Гигс. Во кариерата има 162 асистенции во Премиер лигата.