Голманот на Манчестер Јунајтед Давид Де Геа ја одбил и финалната понуда за нов договор од раководството на тимот, тврди британското издание на весникот „Сан”.
На крајот на месец јуни голманот ќе влезе во последната година од договорот, а оваа ситуација може да предизвика „црвените ѓаволи” да го продадат уште во идното лето и да бараат нова варијанта за клупски голман.
Тој е дел од „црвените ѓаволи”, од 2011 година, кога премина од редовите на Атлетико (Мадрид), а во текот на годините се промовираше во составот на Манчестер Јунајтед како еден од најдобрите голмани не само во Премиер лигата, туку и во светот.
Јасно е дека тој е интересиран за ПСЖ, и можно е да игра во француската престолнина во новата сезона. Се вели дека парижаните се решени да го привлечат за 60 милиони фунти во текот на летото. Тимот има потреба од класа чувар кој би му помогнал да ги оствари своите цели во текот на следните неколку години, а тоа е освојувањето на Лигата на шампионите.