Екипата на Црвена Звезда не само што остана без место во Лигата на шампионите туку остана и без својот досегашен тренер Дејан Станковиќ кој си поднесе оставка.
Неуспехот во квалификациите за Лигата на шампионите го натера поранешниот српски фудбалер да ја напушти тренерската функција. Српскиот првак ја сподели пораката кој ја напиша Станковиќ:
„Црвена Звезда е мојата голема љубов, неопислива емоција. Сега по третиот неуспешен обид да ја воведам во Лигата на шампионите се чувствувам целосно празно, бидејќи не успеав да ѝ дадам на мојата најголема љубов она што најмногу го посакував. Не можам да продолжам. Дадов сè од себе. Сега некој друг треба да се обиде. За мене овие три години се најубавиот дел од фудбалскиот живот“ напиша Станковиќ.
Тренерската работа на Дејан Станковиќ во Црвена Звезда беше негова прва работа како тренер, откако претходно беше асистент во екипата на Удинезе.