Англискиот гигант Манчестер Сити постигна договор со норвешкиот напаѓач на Борусија (Дортмунд) Ерлинг Халанд, информираше „Дејли Мејл“.
Според информациите, играчот ќе добива 600.000 евра неделно, со што ќе стане најскапиот играч во Премиер лигата. „Граѓаните“ сакаат да потпишат петгодишен договор со Халанд, а се очекува договорот и официјално да биде објавен следната недела.
Халанд е дел од Борусија Дортмунд од јануари 2020 година, откако беше привлечен од РБ Салцбург за 20 милиони евра. Тој оваа сезона одигра 20 натпревари во Бундеслигата со 18 гола и седум асистенции. Во Лигата на шампионите, Халанд има постигнато три гола на три натпревари.
Договорот на норвешкиот напаѓач со Борусија ќе биде раскинат на крајот на сезоната, кога Манчестер Сити ќе ја активира откупната клаузула од германскиот клуб. Таа изнесува околу 75 милиони евра.
Интерес за играчот имаше и од Реал Мадрид, Пари Сен Жермен и низа други клубови, но условите кои ги понуди Манчестер Сити беа најдобри и влијаеа на одлуката на норвешкиот репрезентативец.