Фудбалската елита на Стариот континент во текот на денов ја очекуваат нови средби во групната фаза. Од 18.55 часот, Локомотив во Москва ќе го пречека Шалке додека францускиот ПСЖ ќе и биде домаќин на Црвена Ѕвезда.
Русите и германците најавуваат фајтерска битка, белграѓани пак, сензација на „Паркот на принцовите“. Во терминот од 21.00 часот ќе бидат реализирани вкупно 6 средби. Атлетико Мадрид треба да ја потврди добрата форма против Бриж. Шпанците се влезени во ритам, тимот од Белгија ги чека првите бодови. Борусија Дортмун која меле се пред себе треба да има лесна задача против Монако откако гостите од Франција преполовени допатуваа во Германија. Наполи и Ливерпул ќе одиграат дерби. Италијанците на стартот ремизираа во Белград додека Ливерпул ги победи „светците“ од Париз. Вториот меч што отскокнува во денешната понуда ќе биде во Англија. Барселона ќе му гостува на Тотенхем. Почетино има проблеми да закрпи добар состав, кај Каталонците владее лоша клима по серијата на неуспеси. Порто вечер ќе излезе на мегдан со Галатасарај. Домаќинот извлече бод во првата рунда во Германија додека турците беа супериорни против Московјани. Интересно треба да биде и во Холандија. ПСВ кој на стартот беше декласиран од Барса ќе го пречека тимот на Интер.
Денешните мечеви од Лигата на фудбалските шампиони ќе можете да ги следите и во специјализирани термини на програмата на Спортско Радио 90,3 ФМ.