Вечерва од 20 часот во СЦ „Борис Трајковски, нашата одбојкарска репрезентација ја очекува и третот меч од групата „Ц“ на ЕП во Скопје. По двете победи над Данска и Црна Гора, избраниците на селекторот Миленкоски денеска се исправени пред голем предизвик, да се одигра квалитетно и да се покаже дека не сме далеку од самиот светски одбојкарски врв на дуелот со првиот фаворит Полска.
Полјаците во Скопје допатуваа како освојувач на Светската лига на нации 2023, репрезентација која има мноштво светски одбојкарски ѕвезди во својот ростер и селектор со бројни медали од најголемите одбојкарски натпреварувања.
„Ние треба да се подготвуваме за Холандија, а особено за Чешка. Ако успееме да бидеме трети ќе успееме да ја избегнеме Италија во осминафиналето. Патот во Бари е атракција за нас, за нашата одбојка, за нашата држава. Меѓутоа, ако може да ја избегнеме Италија како противник, за тоа ни треба уште една победа. Ќе се обидеме на последниот меч со Чешка, ќе одиме на една карта, па што биде нека биде“, вели селекторот Јошко Миленкоски пред дуелот вечерва.
Покрај мечот Македонија Полска (20 ч.) , денеска од 17 часот се среќаваат Данска и Црна Гора.